Afreksstarf 2017-07-14T11:30:23+00:00

Afreksstarf

Hjá Golfklúbbnum Keili er afreksstarf er nefnist Team Keilir, hugmyndafræði varðandi alla afreksstarfsemi hjá Golfklúbbnum Keili

SAMVINNA – TRAUST – SKIPULAG – EFTIRFYLGNI

Uppbygging afreksþjálfunar á að vera gagnrýnið, uppbyggilegt og umfram allt gagnlegt fyrir alla aðila sem að afreksstarfinu koma.

UNDIRSTÖÐUÞÆTTIR

„Golf er framkvæmd undirstöðuatriða“

  • Geta er framkvæmd undirstöðuþátta leiksins í tengslum við líkamlega-, sálfræðilega- og félagslega þætti.

LEIKFRÆÐILEGIR ÞÆTTIR

„Það eru undirstöðuatriðin sem skila árangri”

  • Leikfræðilegur árangur ræðst af leikskilningi kylfingsins og færni hans í undirstöðuþáttum leiksins.

LÍKAMLEGIR ÞÆTTIR

„Líkaminn er verkfæri íþróttamannsins”

  • Enginn kylfingur með metnað, ætti að vanmeta það að vera í góðu formi.
  • Allir ættu að sjá það í hendi sér hve mikilvægir þessir þættir eru fyrir afrekskylfinginn eða hinn almenna kylfing.

SÁLFRÆÐILEGIR ÞÆTTIR

„Eftir höfðinu stjórnast útlimirnir”

  • Áhugi – metnaður og vinnusemi er forsenda að getu og betri árangri

FÉLAGSLEGIR ÞÆTTIR

„Virðing – kurteisi – gaman”

  • Komdu fram við aðra eins og þú vilt að aðrir komi fram við þig.
  • Mikilvægt er að geta sett sig í spor annarra.
  • Hafðu áhrif á aðra og umhverfi þitt.

Afrekshópar

Samkvæmt stefnumótun og skipuriti Golfklúbbsins Keilis er kylfingum skipt niður í:

C-hópur

Í þessum hópi er keppnisfólk Keilis, karlar og konur, sem ekki stundar markvissar æfingar allt árið.

B-hópur

Í þessum hópi er keppnisfólk Keilis, karlar og konur, sem stundar markvissar æfingar allt árið í samvinnu við kennara Keilis og í samræmi við afreksstefnu félagsins

A-afrekshópur

Í þessum hópi eru einungis keppnisfólk Keilis sem eru orðnir atvinnukylfingar og eru að keppa að því eða hefur þegar öðlast rétt til að keppa á erlendum mótaröðum atvinnukylfinga, karla eða kvenna.