Eftir talsverðar breytingar á mótahaldinu í fyrra sem fengu mjög góðar undirtektir í viðhorfskönnun Keilis þá höfum við ákveðið að halda ótrauð áfram með sama leikfyirkomulag á mótinu.

Það verður aftur niðurskurður eftir þrjá hringi í völdum flokkum og komast 12 efstu og jafnir í hverjum flokki í gegnum niðurskurðinn, nema að kylfingar séu 10 höggum eða minna frá fyrsta sæti.

Lokadagurinn mun síðan fara fram 9. júli og verður það sannkallaður úrslitadagur þar sem spennan í öllum flokkum mun ná hámarki og verður gaman að fylgjast með hverjum flokknum á fætur öðrum koma inn 72. holuna og leika til úrslita.

Vinsamlegast smellið á mynd, þar sést hvaða flokkar leika 4 hringi og eru með niðurskurð. Þeir flokkar eru merktir með dökkgrænum kassa við laugardaginn 9. júlí.

Skráning hófst 20. júní síðastliðinn á golf.is og lýkur henni 2. júlí n.k klukkan 13:00.