Íþróttastarf Keilis
Helsta markmið starfsins er að gefa öllum jöfn tækifæri til að stunda golf. Öll börn og unglingar sem vilja stunda íþróttir til þess að svala félagsþörf sinni fái að stunda golf við sitt hæfi.
Í gegnum tíðina hefur Golfklúbburinn Keilir (GK) verið þekktur fyrir afbragðs aðstöðu til golfiðkunar auk þess að á hverjum tíma hafa Keilismenn átt marga íslandsmeistara í öllum flokkum og verið með kylfinga í fremstu röð á landinu og átt kylfinga í öllum landsliðum Íslands.
Til marks um það má nefna að GK á að baki marga Íslandsmeistaratitla, jafnt í liðakeppni sem og í einstaklingskeppni í unglingaflokkum, fullorðins, og í flokkum eldri kylfinga.
Í þjálfun hjá Keili skal fjölbreytileiki vera sem mestur, lögð áhersla á félagsstarf og heilsárs æfinga- og starfsáætlanir fylgt eftir.
Rio Tinto á Íslandi styður barna- og unglingastarf Keilis.
Allir iðkendur í Barna og Unglingastarfi Golfklúbbsins Keilis taka þátt á Almennum Golfæfingum óháð aldri, kyni, og getu (forgjöf).
Almennar Golfæfingar í öllum flokkum eru 2 æfingar í viku. Á þessum æfingum eru æfingahóparnir stórir og iðkendur geta verið frá frá 6 til 12 á hvern þjálfara.
Æfingarnar fara allar fram í æfingaraðstöðu Keilis í Hraunkoti þar sem hægt er að æfa pútt, vipp, innáhögg og teighögg, allan ársins hring.
Aðalmarkmiðið í Almennri Golfþjálfun Keilis er að allir iðkendur starfsins fái aðgang að skemmtilegum og fjölbreyttum æfingum þar sem allir fá jöfn tækifæri til að bæta sig með hjálp þjálfarana okkar.
Allir eru velkomnir á Fjölskyldugolf sem er viðburður fyrir iðkendur Keilis, fjölskyldur þeirra og vini til að leika sér saman í golfi. Þjálfarar setja upp mini-golf völl sem fjölskyldur geta spilað saman á milli 10 og 12 alla laugardagsmorgna yfir vetrartímann.
