Eldri kylfingar Keilis

Mótaröð 65+ 

Eins og undanfarin sumur verður mótaröð Keilisfélaga 65 ára og eldri.

Starfshóp um mótaröðina skipa Már Sveinbjörnsson, Lucinda Grímsdóttir, Björk Ingvarsdóttir, Erna Jónsdóttir, Gunnar Hjaltalín og Þórir Gíslason. Einnig stafa með hópnum Ólafur Þór Ágústsson og Vikar Jónasson ásamt öðrum starfsmönnum Keilis, eftir því sem við átti.

Mótaröðin eru 7 punktamót, haldin á fimmtudögum, dreift á sumarið og eins og undanfarin sumur verður keppt við jafnaldra okkar í golfklúbbi Kópavogs og Garðabæjar (GKG) og leikið heima og að heiman.

Mótsdagar sumarið 2026 eru eftirfarandi: 11. júní, 24. júní (miðvikudagur) á Leirdalsvelli, Garðabæ, 2. júlí, 23. júlí, GKG félagar koma í heimsókn á Hvaleyri, 6. ágúst , 27. ágúst og  10. September.

Mótin eru safnmót þannig að með þátttöku í þeim safna kylfingar punktum samkvæmt frammistöðu sinni í hverju móti fyrir sig og telja fjögur bestu mót hvers kylfings eftir sumarið til verðlauna.
Ákveðið var að breyta til frá fyrri árum og leggja saman hæsta punktaskor fjögurra móta til úrslita í mótaröðinni, í stað stigagjafar, sem verið hefur hingað til.
Ef tveir kylfingar eru jafnir að (fjórum hæstu) punktum í lok mótaraðarinnar,  gildir hærra skor í síðasta móti hvers, eða næsta móti á undan og svo framvegis. 
Ef allt er jafnt verður dregið um sæti.

Ef þátttakendur eru færri en átta í einhverju móti telur það ekki til úrslita.

Leikmenn skrá sig til leiks alla leikdagana á hefðbundinn hátt, nema 24. júní og 23. júlí, verður skráð í mótakerfi GolfBox. Þá verður keppt um farandbikar við félaga okkar í GKG.

Þátttakendur í mótaröðinni greiða 2.500 kr. mótsgjald fyrir hvert mót, 1.500 krónur fyrir súpu og brauð fyrir eða eftir hvert mót og 1.000 krónur, sem ganga til verðlauna fyrir árangur í mótinu og heppni í slembiúrtaki á lokahófi.
Afreksverðlaun eru inneignarbréf hjá Golfklúbbnum Keili og er hægt að nota þau í golfverslun, veitingasölu Keilis eða til að greiða upp í árgjöldi Keilis.

Lokahóf og verðlaunaafhending verður fimmtudaginn 17. September, kl. 19:00 í golfskála Keilis.