Kæru félagar.

Nú fer að líða að lokum tímabilsins og vallarstjórarnir okkar eru að huga að undirbúningi fyrir veturinn og næsta sumar. Þau eru nokkur verkin sem kalla á mörg handtök eins og gefur að skilja. Á næsta ári verður Íslandsmótið í golfi hérna hjá okkur í Keili og ætlum við að hafa frábæra völlinn okkar í allra besta ástandi.

Okkur langaði að kanna hvort ekki væru einhverjir félagar meðal okkar sem hefðu tök á að taka þátt í sjálfboðavinnu á næstu dögum og þá líka vera á lista hjá vallarstjórum okkar fyrir slík verkefni í framtíðinni.

Núna liggur fyrir að endurhlaða nokkrar glompur með gervigrasi eins og þið hafið séð í nýju glompunum á 16. braut. Skera þarf í hverja einustu gervigrasmottu og væri frábært að fá hjálp við þetta verkefni á næstu dögum.

Þetta verkefni fer fram í áhaldahúsinu og byrjar á morgun, miðvikudaginn 25. september og mun standa yfir inn í næstu viku og munum við þurfa eins margar hendur og mögulegt er.

Ef þið hafið áhuga á að taka þátt í sjálfboðavinnu á vellinum eða í kringum Íslandsmótið þá vinsamlegast skráið ykkur á listann hérna í gegnum þennan hlekk.

https://forms.office.com/e/dF3vyir0sn

Nánari upplýsingar veita Baddi (sími: 823-7080) og Haukur (sími: 698-0006)

Með von um góða þátttöku og hlökkum til að sjá ykkur.

Guðmundur, Óli, Baddi og Haukur.