Evrópumót golfklúbba í kvennaflokki hófst í dag. Mótið fer fram á Green Resort Hrubá Borša golfvellinum í Slóvakíu dagana 2.-4. október.

Golfklúbburinn Keilir fær þann heiður að taka þátt í mótinu fyrir sigur á Íslandsmóti Golfklúbba í fyrstu deild.

Fjóla Margrét, Anna Sólveig og Elva María taka þátt í mótinu fyrir hönd Keilis. Með þeim er reynsluboltinn og ríkjandi íslandsmeistari í höggleik Guðrún Brá Björgvinsdóttir.

Það verður spennandi að fylgjast með stelpunum okkar yfir næstu daga. Hægt er að skoða stöðuna hér.