Einsog margir hafa tekið eftir þá eru framkvæmdir á milli 18 og 15 holu hjá okkur á Hvaleyrinni. Framkvæmdirnar voru kynntar á nýafstöðnum Aðalfundi sem var haldinn í byrjun desember. Unnið er að gerð landslags í karganum á milli brautanna og svo verða þrjár glompur settar hægra megin á 18. brautina í högglengd þeirra lengstu.

Markmið framkvæmdarinnar er:

• Skilgreina betur upphafshöggið á 18. brautinni
• Aðskilja betur brautir 18 og 15
• Gera upphafshöggið á 18 braut erfiðara fyrir þá sem slá lengst

Eða einsog einn góður sagði hér uppí golfskála, það er verið að eyðileggja slæsið mitt á 15 og hookið á 18:)

Framkvæmdasvæðið er um 4000 m2 eða einsog hálfur fótboltavöllur.