Félagsmenn í Golfklúbbnum Keili njóta fjölbreyttrar og vandaðrar þjónustu sem styður við æfingar, framfarir og notalega samveru allt árið um kring.

Keilir býður upp á öfluga golfherma af gerðinni Trackman iO, sem gera félagsmönnum kleift að æfa og spila úrval golfvalla við nákvæmar og raunhæfar aðstæður. Hermarnir henta jafnt byrjendum sem lengra komnum kylfingum og veita ítarlega greiningu á höggum sem hjálpar leikmönnum að bæta sinn leik.

Á æfingasvæði klúbbsins er að auki til staðar Trackman Range búnaður, sem gerir æfingar skilvirkari og skemmtilegri. Með Trackman Range geta félagsmenn fylgst með flugi boltans, séð lengdir og spilað velli rétt eins og í golfhermi, allt eru þetta hlutir sem eykur gæði æfinga og stuðlar að markvissari framförum.

Félagsmenn Keilis njóta sérkjara í Hraunkoti þar sem boltakort eru í boði á hagstæðara verði en samkvæmt almennri gjaldskrá. Afslættir félagsmanna eru hærri en þeir sem standa öðrum notendum til boða og gilda eingöngu þegar boltakort eru keypt í gegnum GolfNext appið

Fyrir þá sem eru að stíga sín fyrstu skref í golfi býður Golfklúbburinn Keilir upp á nýliðanámskeið, þar sem farið er yfir grunnatriði golfsins, reglur og siði. Námskeiðin eru frábær leið til að hefja golfiðkun og kynnast bæði starfi klúbbsins og öðrum félagsmönnum.

Í klúbbnum er einnig starfandi golfverslun með úrval af fatnaði og fylgihlutum. Þar fá félagsmenn faglega ráðgjöf og aðstoð við að velja búnað sem hentar þeirra leik og þörfum best.

Yfir sumartímann, þegar golfvöllurinn er opinn, er veitingasala starfrækt í golfskálanum þar sem félagsmenn og gestir geta notið veitinga í notalegu umhverfi. Á veturna er salurinn leigður út fyrir ýmis veisluhöld og viðburði, svo sem fermingar, afmæli og aðrar samkomur.

Með þessari heildstæðu þjónustu leggur Golfklúbburinn Keilir áherslu á að veita félagsmönnum framúrskarandi aðstöðu og skapa lifandi og öflugt klúbbstarf fyrir alla meðlimi.

Kær kveðja,
Vikar Jónasson
Þjónustustjóri Keilis