Ólafur Þór Ágústsson framkvæmdastjóri Keilis, Guðrún Brá Björgvinsdóttir, Axel Bóasson, Gísli Sveinbergsson og Karl Ómar Karlsson íþróttastjóri Keilis.
Í vikunni skrifuðu atvinnumenn Keilis undir samkomulag við Golfklúbbinn Keili.
Þau eru Guðrún Brá Björgvinsdóttir sem hefur full réttindi á Evrópumótaröð kvenna í golfi, Gísli Sveinbergsson og Axel Bóasson sem báðir eiga keppnisrétt á norrænu mótaröðinni.
Samkomulagið felur í sér ýmsa aðstoð fyrir atvinnukylfingana auk þess sem að þau koma að þjálfun og kennslu barna-, ungmenna og afreksstarfi Keilis.
Markmið með samningnum er að hvetja og styrkja atvinnukylfinga Keilis til dáða og aðstoða þau til að ná enn betri árangri.