Nú hefur Brynja lokað veitingasölunni, golfskálinn og golfbúðin verður áfram opinn á skrifstofutíma frá klukkan 8-5 all virka daga vikunnar. Gestir geta stoppað við og fengið sér kaffibolla eftir hringinn. Við minnum félagsmenn að áfram verður að bóka tíma á golfvellina í gegnum golf.is. Á næstu dögum fara vallarstarfsmenn að undirbúa golfvellina fyrir veturinn. Flatir verða djúpgataðar á næstu dögum. Við minnum einnig á að golfvellirnir eru sérstaklega viðkvæmir á þessum árstíma, þess vegna brýnum við fyrir öllum að gera við boltaför sem myndast á flötum (smellið á mynd til að sjá hvernig það er gert rétt). Ráðgert er að halda vellinum opnum eins lengi og unnt er, fer það eftir veðuraðstæðum hverju sinni. Á meðan það frystir ekki yfir daginn þá verða golfvellirnir opnir áfram. Að sjálfsögðu verður eitthvað um morgunlokanir vegna næturfrosts. Fylgist með rástíma skráningu á golf.is til að sjá lokanir vegna næturfrosts. Enn og aftur brýnum við alla kylfinga til að ganga vel um völlinn og setja torfur aftur í kylfuförin og gera við boltaför á flötum. Góða skemmtun!