Lexus mótið fór fram á Leirdalsvelli GKG dagana 23-25 júlí en mótið er hluti af GSÍ Mótaröð Þeirra Bestu.

Daníel var nálægt foryst allt mótið en á lokadeginum hrifsaði hann til sín forystuna og ríghélt henni þangað til hann sigraði mótið með 3 höggum. Daníel spilaði frábært golf í mótinu á 10 höggum undir pari en tveir ernir á síðustu 5 holunum tryggðu honum sigurinn.

Þetta er fyrst sigur Daníels á Mótaröð Þeirra Bestu sem hefur verið lengi á leiðinni en búast má við því að fleiri séu í vændum frá þessum kraftmikla og hæfileikaríka kylfing nú þegar ísinn hefur verið brotinn.

Í kvennaflokki var klúbbmeistarinn okkar Guðrún Birna Snæþórsdóttir í þriðja sæti í mótinu eftir stöðuga spilamennsku alla þrjá dagana. Þetta er fyrsta skipti Guðrúnar á verðlaunapalli á GSÍ mótaröðinni.

Keiliskylfingar á GSÍ Mótaröð Þeirra Bestu hafa svo sannarlega sótt í sig veðrið þegar líður á sumarið en Keilir hefur átt sigurvegara í síðustu 3 mótunum í karlaflokki og 2 af síðustu 3 í kvennaflokki og þriðja sæti í þessu.

Til hamingju Daníel Ísak, Guðrún Birna og Golfklúbburinn Keilir. Næsta mót á mótaröðinni er Íslandsmótið í Höggleik á Korpúlfstaðarvelli dagana 6-9 ágúst en það má vænta miklu af kylfingum Keilis í því móti.