Íslandsmót Eldri Kylfinga fór fram dagana 16-18 ágúst í Kiðjabergi.

Þórdís Geirsdóttir sigraði í flokki kvenna 50 plús en hún var með forystuna yfir allt mótið og endaði að sigra með þremur höggum. Í öðru sæti í sama flokki var Ragnheiður Sigurðardóttir, einnig úr Keili en hún spilaði á lægsta hring mótsins í flokkinum síðasta daginn á 80 höggum.

Þá var Kristján V Kristjánsson í öðru sæti í flokki 65 ára og eldri 13 höggum á eftir fyrsta sæti og 7 höggum á undan þriðja sæti.

Nokkur mót eru eftir á LEK mótaröðinni og einnig eru Íslandsmót Golfklúbba 50+, 65+ og 75+ í ágúst.

Til hamingju Þórdís, Ragnheiður og Kristján!