Staðarreglur á Hvaleyrarvelli hafa nú uppfærðar, 1. júní í takt við batnandi ástand vallarins sem er að komast í sitt besta form.  Breytingin er að ekki verður lengur leyft að bæta legu boltans neins staðar á vellinum (mátti áður á snöggslegnu grasi á braut).

Þá er gott að minna á að eins og í fyrra er gras á 18. braut sem slegið er snöggslegið eða neðar, brautin, flötin og svuntan, utan vallar (Out of bounds) þegar 16. brautin er leikin.

Uppfærðar staðarrreglur má finna hér

Þá er einnig rétt að minna á að nú þegar krían er komin, og fer að undirbúa varp sitt og útungun, að heimilt er að halda t.d. kylfu eða regnhlíf yfir kylfingi sem undirbýr og slær högg til að halda kríunum frá.  Fróðleik um þennan merkilega fugl sem deilir með okkur golfvellinum okkar má t.d. finna hér https://is.wikipedia.org/wiki/Kr%C3%ADa