Enn halda meistarflokkar karla og kvenna að spila frábært golf. Signý Arnórsdóttir var á 69 höggum í dag og minnkaði munin á henni og Tinnu niður í tvö högg, Tinna er á 214 höggum og Signý á 216. Rúnar sem er einsog flestir Keilismenn vita bróðir Signýjar, hélt uppteknum hætti og spilaði frábært golf í dag og var á 67 höggum, Axel Bóasson endaði á 68 höggum. Leiðir Rúnar því flokkinn nú með 5 höggum fyrir lokahringinn. Enn daginn átti hinn ungi 15 ára snáði Gísli Sveinbergsson sem lék á 67 höggum af öftustu teigum og spilaði sig inní þriðja sætið og lokahollið fyrir morgundaginn. Síðasti ráshópur hjá körlum verður út á morgunn klukkan 16:50 og verður spennandi að fylgjast með þessum ungu og efnilegu-góðu kylfingum spreyta sig. Fólk er hvatt til að fjölmenna og fylgjast með heimsklassa golfi á Hvaleyrinni á morgun.