Guðrún Brá Björgvinsdóttir komst áfram af fyrsta stigi úrtökumótsins fyrir LET evrópumótaröðina

Eftir að hafa spilað á 69 höggum fyrsta daginn og verið í góðum málum þá hallaði örlítið undan fæti á öðrum hring þegar hún spilaði á 78 höggum og hrapaði hún um 20 sæti á skortöflunni.

Því var ljóst að hún hefði þurft á mjög góðum hring að halda í dag til að komast í topp 20 og komast áfram á lokaúrtökumótið.

Það gerði Guðrún svo sannarlega. Hún átt besta hring dagsins og lék hún á 66 höggum eða 6 höggum undir pari.

Með þessum geggjaða hring hýfði hún sig upp töfluna og endaði hún í 13 sæti og fær því að leika á lokastigi úrtökumótsins.

Til hamingju með þetta Guðrún, við fylgjumst spennt með þér á næsta stigi

Smellið hér fyrir lokaniðurstöður úr mótinu