Það var eldsnemma í morgun eða klukkan 06:30 sem fyrsti ráshópur hélt af stað í Meistarmót Keilis 2013. Það voru þeir Þór Breki Davíðsson og Daníel Ísak Steinarsson sem hófu mótið, enn Daníel tók fyrsta höggið í mótinu í ár. Bergsteinn Hjörleifsson formaður Keilis setti mótið formlega og eru 350 kylfingar skráðir til leiks. Enn í fyrra luku 357 kylfingar leik í Meistaramóti Keilis. Veðurspáin er fín fyrir vikuna og verður hörku keppni einsog ávallt í öllum flokkum. Við óskum öllum keppendum góðs gengis. Á myndinni eru Þór og Daníel sem fóru í fyrsta ráshóp ásamt Bergsteini formanni Keilis, Guðmundi Haraldssyni formanni mótsnefndar og yfirdómara Keilis Herði Geirssyni. Í Hraunkoti verður boðið uppá grasdaga alla keppnisdagana. Við hvetjum alla kylfinga til að koma og hita upp fyrir hringinn á grasi.