Golfklúbburinn Keilir sendi 3 sveitir á Íslandsmót Golfklúbba 14 ára og yngri sem spilað var á Flúðum dagana 24 – 26. júní.

Í mótinu kepptu samtals 21 sveitir frá öllu landinu og átti Keilir tvær drengjasveitir og eina stúlknasveit. Spilaðar voru 36 holur á dag, gist var í íþróttasal nálægt golfvellinum, farið var í sund og spilaðir boltaleikir þess á milli.

Sveitirnar voru klúbbnum til sóma frá A til Ö á meðan mótinu stóð, en aðeins 1 keppandi frá Keili hafði áður spilað í mótinu. Stúlkurnar enduðu í fjórða sæti, A-sveitin í 12. sæti og B-sveitin í 16. sæti eftir flotta baráttu.