Tvær sveitir frá Golfklúbbnum Keili kepptu á Íslandsmóti Golfklúbba 15-18 ára í stúlknaflokki en í heildina voru 8 sveitir í mótinu.

Báðar sveitirnar enduðu í top 5 í mótinu en B sveitin vann GR í leik uppá fimmta sætið á meðan A sveitin tapaði naumlega gegn Golfklúbbi Akureyrar í úrslitaleiknum.

Silfusveitin var skipuð af Elvu Maríu Jónsdóttir, Kristíni Maríu Valsdóttir, Sigurást Júlía Arnarsdóttir, Tinnu Alexíu Harðardóttir og Vigdísi Helgu Erlendsdóttir en Guðrún Birna Snæþórsdóttir fór með þeim sem liðstjóri og hjálpaði þeim að ná þessum flotta árangri.

Sveitirnar tvær mynduðu flotta samstöðu og hvöttu hvora aðra áfram til dáða eins og sjá má á myndunum.