Guðrún Brá var í dag valin til að keppa í einstaklingskeppninni á einu af svæðismótum háskólagolfsins (regional championship) í Bandaríkjunum.

Mótið verður haldið á fjórum stöðum dagana 8. til 10. maí. Guðrún Brá keppir í Albuquerque í Nýju Mexíkó.

Guðrún Brá hefur verið að leika mjög vel í mótum fyrir Fresno State háskólaliðið sitt og hefur verið fimm sinnum inn á topp tíu í einstaklingskeppnum. Hún hefur ávallt verið með besta skor liðsfélaga sinna í liðinu.

Að vera valin til að keppa í svæðismóti er frábær viðurkenning fyrir hana og ber vott um hve vel hún hefur verið að leika á mótum í vetur.

Golfklúbburinn Keilir óskar henni til hamingju með þennan áfanga og óskar henni góðs gengis.