Fjórar drengjasveitir spiluðu á Íslandsmóti Golfklúbba fyrir hönd Golfklúbbsins Keilis dagana 24. – 26. júní.

Í flokki 17-18 ára spiluðu tvær sveitir og endaði B sveitin í sjöunda eftir að vinna báða sína leiki í C riðli og A sveitin í sjötta sæti eftir að tapa naumlega í bráðabana fyrir fimmta sætinu.

Í flokki 15-16 ára spiluðu einnig tvær sveitir og endaði B sveitin þar í sjötta á meðan A sveitin endaði í þriðja sæti eftir að sigra sveit GR í úrslitaleik uppá þriðja sætið.

Arnar Freyr Jóhannsson, Flosi Freyr Ingvarsson, Halldór Jóhannsson, Lúðvík Kemp Friðgeirsson Máni Freyr Vigfússon og Hilmir Ingvi Heimisson voru í þriðja sætis liðinu.