Elva María Jónsdóttir varð í dag Íslandsmeistari í golfi 12 ára og yngri.

Leikið var á Setbergsvelli 11.-13. ágúst. Elva María sigraði með átta högga mun og er vel að titlinum komin. Búin að æfa vel og framfarirnar miklar.

Í flokki 12 ára og yngri átti Keilir 3. og 4. sæti. Halldór Jóhannsson fékk bronsið og Máni Freyr Vigfússon varð í 4. sæti.

Keilir átti samtals 19 keppendur á mótinu en alls voru þeir 77.

Keilir óskar Elvu Maríu og fjölskyldu hennar innilega til hamingju með titilinn.