Sá skemmtilegi atburður átti sér stað að feðgarnir Gunnar Þór Halldórsson og Baldur Mikael Gunnarsson fóru holu í höggi sitthvorn daginn eða dagana 25 og 26 júlí. Baldur Mikael sem er 13 ára gamall var við leik á Flúðarvelli og sló með 9 járni á 9. braut vallarins. Var mikill fögnuður á heimilinu, enn eitthvað hefur þetta ýtt við húsbóndanum Gunnar Þór sem gerði það sama daginn eftir er hann lék Húsatóftarvöll í Grindavík. Þar á 7. holu notaðist hann við 52 gráðu fleygjárn og setti beint í holu. Keilissíðan óskar þeim feðgum til hamingju með árangurinn og óskar þeim áframhaldandi góðs gengis á golfvellinum í sumar.