Atvinnu- og Keiliskylfingurinn Guðrún Brá Björgvinsdóttir er um þessar mundirnar stödd í Marrokkó þar sem hún keppir á 1. stigi úrtökumótsins fyrir LET evrópumótaröðina.

Keppt er á þremur völlum í Marokkó og leikur Guðrún á Rotana golfvellinum. Hún átti rástíma í dag klukkan 10:30 á staðartíma.

Guðrún spilaði flott golf í dag. Hún var með 5 fugla og 2 skolla og kláraði hringinn á 3 höggum undir pari. Hún situr jöfn í 7. sæti eftir fyrsta keppnisdag af þremur.

Ekki liggur alveg fyrir hversu margir kylfingar komast áfram af hverjum velli og fá þáttökurétt á lokaúrtökumótinu, en gera má ráð fyrir að það verði um 20 kylfingar.

Það verður spennandi að fylgjast með Guðrúnu næstu daga og óskum henni að sjálfsögðu alls hins besta.

Hægt er að skoða stöðuna í mótinu hér

ÁFRAM GUNNA!