Í kvöld kláraðist meistaramót Keilis 2013 og klúbbmeistarar eru Birgir Björn Magnússon og Þórdís Geirsdóttir. Birgir Björn spilaði á 291 höggi (72-70-71-78) og Þórdís spilaði á 316 höggum (81-74-82-79). Golfklúbburinn Keilir óskar þeim til hamingju með sigrana. Alls voru um 350 þáttakendur í mótinu þetta árið og gekk mótið einstaklega vel, þrátt fyrir að veðrið hefði getað verið betra. Mikill vindur og rigning settu svip sinn á mótið þetta árið og lítið sást af sólinni. Hvaleyrarvöllur er í frábæru standi og eiga vallarstarfsmenn Keilis heiður skilið fyrir fallegan og snyrtilegan völl. Meiri umfjöllun um mótið mun svo koma inn fljótlega.