Nú fer að líða að lokun golfvalla Keilis inn á sumarflatir. Frá og með deginum í dag, 23. október loka fyrri 9 holurnar (Hraunið) þetta árið og búast má við að seinni 9 holurnar verði færðar inn á vetrarflatir og teiga á næstu dögum. Sveinskotsvöllur verður opinn inn á sumarflatir eitthvað áfram.
Völlurinn opnaði eftir erfitt vor þann 10. maí sem skilaði okkur 166 golfdögum og verður að segja að fallegt veður í október hafi fært kylfingum kærkomna góðviðrisdaga undir lok tímabilsins eftir frekar blautt og kalt sumar.
Vallarstarfsmenn Keilis þakka kylfingum fyrir sumarið og hlökkum til þess næsta!