Hvaleyrarvöllur opnar á morgun, laugardaginn 10 maí með hinu árlega Hreinsunarmóti.

Eins og hefðin segir til um fá þeir sem tóku þátt í að taka til með okkur á Hreinsunardeginum réttinn til að spila í Hreinsunarmótinu.

Sunnudaginn 11. maí opnar svo Hvaleyrarvöllur fyrir hefðbundinn golfleik.

Ástandið á vellinum er heilt yfir ágætt. Fyrstu þrjár brautirnar fóru illa í vor þegar sjór gekk yfir sjávargarðinn og salt lagðist yfir grasið.

Við munum því miður ekki ná að opna inn á aðra flötina alveg strax, heldur leyfum henni að ná sér betur á strik.

Því verður spilað inn á tímabundna flöt sem staðsett verður um 30 metra fyrir framan hina hefðbundnu flöt.

Starfsmenn vallarins eru búnir að gera allt sem í þeirra valdi stendur til að koma flötinni af stað en svo verður tíminn að leiða í ljós hvenær við getum opnað inn á hana.