Þá liggja úrslit fyrir úr öðru móti Púttmótaraðarinnar í samstarfi við Golfbúðina Hafnarfirði.
Alls tóku 7 kylfingar þátt að þessu sinni og var það hann Jónas Ágústsson sem sigraði mótið. Hann lék hringina tvo á 69 höggum og bar sigur úr býtum með einu höggi.
Jónas hlýtur einnig aukaverðlaun mótsins en þau voru fyrir að spila báða hringina undir pari sem Jónas einmitt gerði.
Ekki nóg með að sópa öllum verðlaununum til sín að þá tekur Jónas líka fyrsta sæti stigalistans eftir þau tvö mót sem hafa verið spiluð.
Eitt mót er því eftir og verður haldið á Páskadag, sunnudaginn 9. apríl.
Tvöföld stig verða í boði fyrir lokamótið og er því allt ennþá opið með hver sigrar mótaröðina.
Hvetjum alla til að mæta á Páskadag!