Það voru 370 manns sem skráðu sig til leiks í Meistaramóti Keilis 2024. Það gekk á ýmsu veðurlega og má með sanni segja að þátttakendur hafi þurft að eiga við veðurguðina í seinni hluta mótsins.

Það voru þau Axel Bóasson og Anna Sólveig Snorradóttir sem stóðu uppi sem sigurvegarar í meistaraflokkum.

Axel setti vallarmet af öftustu teigum á öðrum hring þegar hann lék völlinn á 69 höggum við mjög svo krefjandi aðstæður. Einnig setti Óliver Elí Björnsson glæsilegt vallarmet á teigum  53, enn hann lék þriðja hringinn á 68 höggum í flokki 13-15 ára.

Axel lék hringina þrjá á 3 höggum undir pari eða 213 höggum og Anna Sólveig endaði á 242 höggum.

Við óskum öllum keppendum sem unnu til verðlauna innilega til hamingju með sína sigra og vonumst til að sjá alla aftur á næst ári.