Nú á dögunum gerðu Golfklúbburinn Keilir og 66°N nýjan samstarfsamning. Samningurinn nær meðal annars yfir fatnað á keppnisfólk Keilis á efsta stigi og annan stuðning við barna, ungmenna og afreksstarf klúbbsins.
Einnig geta félagsmenn í Keili nýtt sér 15% afslátt af fatnaði frá 66°norður í verslun þeirra í Miðhrauni 11.
Þetta er framlenging á samningi sem hefur verið í gildi síðastliðin 7 ár og á þeim tíma hefur afreksfólk Keilis fagnað vel yfir 20 Íslandsmeistaratitlum og 5 Bikarmeistaratitlum á golfvöllum landsins.
Það voru þeir Kjartan Tómas Guðjónsson frá 66°norður, Ólafur þór Ágústsson framkvæmdastjóri Keilis og Karl Ómar Karlsson Íþróttastjóri Keilis sem skrifuðu undir samninginn.