Þá er kominn sá tími að Brynja er að opna veitingasöluna, til að byrja með verður opið eftir veðri og almennum áhuga þangað til vellirnir opna formlega 9. maí n.k. Um næstu helgi ætlar Brynja að vera með sérstakann brunch matseðil og hvetjum við félagsmenn að kíkja við og taka stöðuna.

Unnið hefur verið að umbótum á hljóðvist í golfskálanum. Búið er að setja nýtt dúkaloft í salinn sem gerir hljóðvist mun betri. Allt bergmál er á bak og burt og verður því mun huggulegra að sitja í salnum, njóta veitinga og spjalla saman. Við viljum þakka Clipso á Íslandi kærlega fyrir aðstoðina við að koma í veg fyrir bergmál og önnur óþægindi sem voru í salnum í miklu fjölmenni.