Guðrún Brá Björgvinsdóttir komst áfram á 2. stigið á lokaúrtökumót Evrópumótaraðarinnar á Spáni í dag.

Keppt var á La Manga og lék Guðrún Brá hringina á 71-73-72 og 70 og endaði í 20. sæti af 156 keppendum.

Með árangri sínum keppir Guðrún Brá um laus sæti á Evrópumótaröðinni á næsta ári. Keppnin fer fram 17.-21. desember á sama stað.

Keppnin um 25 laus sæti á Evrópumótaröðinni á næsta ári verður 90 holur þar sem niðurskurður er eftir 72 holur.