Við elskum Hjarta Hafnarfjarðar

Bikarkeppni Keilis 2026 í samstarfi við Hjarta Hafnarfjarðar

Um er að ræða holukeppnis útsláttarkeppni yfir sumarið þar sem þú getur unnið til glæsilegra vinninga.

Undankeppnin verður leikin dagana 25-31 maí í punktakeppni með forgjöf.

Hvernig tekur þú þátt?

• Þú skráir þig á venjulegan rástíma á tímabilinu 25-31 maí.
• Greiðir 2000 krónur í golfverslun áður en þú ferð að spila og tekur með þér skorkort. Innifalið í gjaldinu er súpa og brauð eftir leik.
• Eftir golfið skilar þú svo skorkortinu til golfverslunarinnar og þú ert kominn í keppnina.
• Allir geta tekið þátt í undankeppninni oftar en einu sinni ef þeir telja sig geta bætt skorið sitt milli daga.

Að undankeppni lokinni komast svo 16 punktahæstu keppendurnir áfram í útsláttarkeppnina.

Í útsláttarkeppninni er leikin holukeppni með forgjöf þangað til Bikarmeistari Keilis er krýndur.

Glæsileg verðlaun verða veitt fyrir árangur í undankeppninni og í útsláttarkeppninni.