Núna um helgina fór fram Sveitakeppni GSÍ og gerðu sveitirnar okkar sér lítið fyrir og sigruðu. Kvennasveit Keilis vann GR í úrslitum. Frábær árangur hjá stelpunum sem voru staðráðnar að bæta upp fyrir árið í fyrra. Karlasveitin hafði bikar að verja síðan í fyrra og þeir léku við sterka sveit GKG og sigruðu 3-2. Alveg magnaður árangur hjá sveitunum okkar í ár. Við erum svo stolt af sveitunum okkar og þetta undirstrikar að afrekstefna okkar er svo sannarlega að skila sér fyrir okkur. Til hamingju allir Keilisfélagar nær og fjær með sveitirnar okkar sem eru svo sannarlega góðar fyrirmyndir og okkur öllum til sóma.

Kvennasveit Keilis 2014

 Karlasveit Keilis 2014