Í vikunni var Guðrún Brá að leika með skólaliðinu sínu  á móti sem heitir Fresno State Classic. Leikið var á San Joaquin vellinum sem er par 72. Guðrún Brá lék á 68 og 71 eða á fimm höggum undir pari vallarins og endaði í 2. sæti í einstaklingskeppninni af 82 keppendum. Skólalið Fresno State sigraði í keppninni með þó nokkrum mun.

Aldrei í sögu skólans hefur kylfingur í skólanum leikið 36 holur á færri höggum en Guðrún Brá. Fyrir vikið var hún valin íþróttamaður vikunnar í skólanum sínum eftir frábæra frammstöðu.

Næsta mót Guðrúnar er Dr. Donnis Thompson Invitational sem haldið verður 22.-23. mars á Honululu á Hawaí.