Í gær fór fram árleg undirskrift A og B samninga afrekskylfinga við Keili. Hópurinn hefur aldrei verið stærri og skrifuðu alls 16 kylfingar undir samninga. 15 undir B-samning og einn undir A-samning.

Axel Bóasson skrifaði undir svokallaðan A-samning enn hann fjallar um stuðning Keilis við Axel til að ná árangri sem atvinnumaður í golfi. Samningarnir allir ná utan um ástundun í æfingum og keppnum og eiga að hvetja okkar fólk til að bæta árangur sinn og auðvelda þeim að stunda golf sem afreksíþrótt. Krakkarnir borðuðu saman í boði Keilis og var góð stemmning í hópnum fyrir komandi átök.