Atvinnumaðurinn og Keiliskylfingurinn Axel Bóasson var rétt í þessu að tryggja sér þátttökurétt á Áskorendamótaröðina(Challenge Tour), næst sterkustu atvinnumótaröð Evrópu

Lokamót Nordic League kláraðist í dag og fyrir mótið var Axel í fimmta sæti stigalistans, en fimm efstu á stigalistanum vinna sér inn keppnisrétt á Áskorendamótaröðinni á næsta tímabili. Lokahringur mótsins átti að fara fram í dag en vegna veðurs var hann blásinn af. Því varð mótið aðeins tveir hringir og lék Axel hringina tvo á 68 og 75 höggum sem skilaði honum 19. sæti í mótinu og dugði til að halda fimmta sæti stigalistans.

Við óskum kappanum innilega til hamingju með þetta og hlökkum til að fylgjast með honum á næsta tímabili.