Axel Bóasson hefur lokið leik á The Amateur Championship og er á leiðinni heim. Leik var frestað í gær vegna þoku og hófu þeir aftur leik snemma í morgun.

Allir íslensku strákarnir hafa lokið leik í dag og svo virðist sem Haraldur Franklín sé sá eini sem mun komast áfram í holukeppnina en ekki hafa allir lokið leik. Hann var +3 eftir 36 holur eftir góðan hring í dag, 71, parinu. Það er allt útlit fyrir að niðurskurðurinn verði +3 eða +4 og er Andri Björnsson nálægt því að komast áfram en hann kláraði +5 eftir 36 holur. Guðmundur Ágúst og Axel áttu hinsvegar báðir slakt mót og voru hvergi nálægt niðurskurðinum.