Það er öruggt að Íslandsmeistaratitillinn í holukeppni karla í golfi fer til Golfklúbbsins Keilis þar sem að Axel Bóasson úr GK og Benedikt Sveinsson úr GK mætast í úrslitum á Jaðarsvelli á Akureyri. Mótið er fjórða mót ársins á Eimskipsmótaröðinni í golfi. Þetta er í fyrsta sinn sem þeir Axel og Benedikt leika til úrslita í þessari keppni.
Axel hafði betur gegn Stefáni Má Stefánssyni úr GR á 15. holu 4/3. Benedikt sigraði Theodór Emil Karlsson úr GM á 18. holu en þeir voru jafnir fyrir þá holu.
