Birgir Björn Magnússon landsliðskylfingur í Keili sigraði á Shark Invitational mótinu sem fram fór á Brookville vellinum í New York.

Birgir Björn lék mjög gott golf og skilaði inn þremur hringjum á 70 höggum eða samtals þremur höggum undir pari og sigraði einstaklingskeppnina með einu höggi eftir æsispennandi keppni.

Birgir Björn leikur með Southern Illinois skólanum og endaði liðið í öðru sæti skólaliða.

Þessi sigur er sá fyrsti hjá Birgi í einstaklingskeppni 1. deildinni í Háskólagolfinu.

Hér er hægt að lesa um mótið á heimasíðu skólans í Southern Illinois