Birgir Björn Magnússon hefur verið ráðinn sem nýr afreksþjálfari Keilis.

Birgir er Keiliskylfingur í húð og hár og hefur hann æft og keppt undir merkjum Keilis síðan á ungaaldri sem og verið fastamaður í landsliðshópum Íslands.

Hann hefur starfað sem þjálfari hjá Southern Illinois háskólanum í Bandaríkjunum síðastliðin tvö ár en hefur nú ákveðið að koma aftur heim.

Í samtali við Birgi segist hann vera spenntur fyrir komandi tímum og hlakkar mikið til að vinna með okkar afrekskylfingum.

Við bjóðum Birgi velkominn í hópinn og óskum honum alls hins besta í nýja starfinu.

ÁFRAM KEILIR