Gísli Sveinbergsson sigraði á MAC mens meistaramótinu sem haldið var á Virtues golfvellinum í Nashport í Ohio í gærkvöldi.

Gísli lék á 68, 70, 71 og 71 höggi eða á átta höggum undir pari og sigraði með tveggja högga mun. Gísli hefur verið að leika golf mjög vel í allan vetur.

Kent state skólinn sem er einn af betri golfliðum í Bandaríkjunum sigraði með 25 högga mun í keppni níu háskólaliða.

Golfklúbburinn Keilir vill óska Gísla og fjölskyldu hans innilega til hamingju með sigurinn.

Næsta mót hjá Gísla og félögum er 15.-17. maí þegar þeir keppa á svæðismóti.