Guðrún Brá Björgvinsdóttir var rétt í þessu að verða Íslandsmeistari kvenna þriðja árið í röð. Hún sigraði í umspili við Ragnhildi Kristinsdóttur GR. Leikið var á Hlíðarvelli Golfklúbbsins í Mosfellsbæ.
Guðrún Brá líkt og Ragnhildur léku 72 holur á einu höggi yfir pari vallarins. Guðrún lék jafnt og gott golf alla dagana 71-72-72-74.
Í umspilinu voru brautir nr. 10, 11 og 18 leiknar. Guðrún Brá hafði betur með því að leika á einu höggi yfir pari í umspilinu á meðan Ragnhildur var á verra skori.
Ólafía Þórunn Kristinsdóttir varð í 3. sæti og lék á fjórum höggum yfir pari.
Golfklúbburinn Keilir óskar Guðrúnu Brá og fjölskyldu hennar innilega til hamingju með árangurinn.