Þá er það ákveðið, vinsæla Hreinsunarmótið verður haldið 4. maí n.k. Mæting er fyrir þá sem vilja taka til hendinni klukkan 09:00, skráning fer fram á golf.is . Við tökum á því til 12:30, grillum síðan, svo allir ræstir út klukkan 14:00. Við hvetjum fólk til að klæða sig eftir veðri. Einnig taka með sér vinnuvettlinga.

Verkefnin verða fjölmörg og nóg fyrir alla að gera. Golfvöllurinn verður síðan opinn fyrir rástímapantanir Mánudaginn 5. maí. Keilisfélagar geta byrjað að bóka sig á rástíma á laugardagskvöldið klukkan 20:00. Fyrsti koma fyrstir fá….

Þá er bara að vona að veðrið verði okkur hliðhollt í sumar og eigum öll eftir að lækka forgjöfina okkar.

Njótið sumarsins.