Keilir karla 50+ urðu í dag Íslandsmeistarar golfklúbba eftir sigur á GR 3-2 í æsispennandi leik. Mótið fór fram á Hamarsvelli hjá Golfklúbbi Borgarness. Í þriðja sæti varð sveit Golfklúbbs Öndverðarness eftir sigur á Golfklúbbi Suðurnesja.
Meistaralið Keilis er þannig skipað: Björgvin Sigurbergsson, Ásgeir Guðbjartsson, Björn Knútsson, Hálfdán Þórðarson, Halldór Ingólfsson, Gunnar Þór Halldórsson, Magnús Pálsson, Jón Erling Ragnarsson og Hörður Hinrik Arnarson sem jafnframt var liðstjóri.
Keilir konur 50+ enduðu í 3.sæti eftir 4,5-0,5 sigur á Golfklúbbnum Oddi.