Keilir með flesta þátttakendur
Keilir með flesta þátttakendur
Í gær lauk áskorendamótaröð GSÍ. Leiknar voru 9 holur á Korpunni hjá Golfklúbbi Reykjavíkur.
Þátttakendur voru 20 talsins frá Keili af tæplega 65 keppendum.
Keppt er í flokkum stráka og stelpna 10 ára og yngri, 12 ára og yngri, 14 ára og yngri og 18 ára og yngri.
Keppendur frá Keili stóðu sig mjög vel og hlutu tvenn gullverðlaun, tvö silfur og tvenn bronsverðlaun í hinum ýmsu flokkum.
Eftir keppni var öllum boðið í pylsuveislu og allir fengu viðurkenningarskjal.
Næsta mót á áskorendamótaröðinni verður haldið í Bakkakoti hjá Golfklúbbnum í Mosfellsbæ laugardaginn 21. ágúst.
