Markús með glæsilegan árangur á Evrópumóti unglinga
Markús með glæsilegan árangur á Evrópumóti unglinga
Keilir átti fulltrúa á Evrópumóti 16 ára og yngri European Young Masters sem fram fór á Sedin golfvellinum í Slóvakíu 27.-29. júlí.
Fjórir íslenskir kylfingar tóku þátt og voru leiknar 54 holur.
Markús Marelsson gerði sér lítið fyrir og endaði í 2. sæti í piltaflokki 16 ára og yngri. Hann lék hringina þrjá á 71-71 og 72 höggum eða fimm undir pari vallarins.
Þetta er frábær árangur hjá Markúsi þar sem allir bestu kylfingar í hverju landi í Evrópu í pilta- og stúlkna flokki koma saman.
