Þá er komið að stærsta móti sumarsins Meistaramót Keilis 2021.

Í ár verða talsverðar breytingar á mótahaldinu, endilega kynnið ykkur vel þessar breytingar.

Í fyrsta skiptið ætlum við að hafa niðurskurð eftir þrjá hringi í völdum flokkum og komast 12 efstu og jafnir í hverjum flokki í gegnum niðurskurðinn, nema að kylfingar séu 10 höggum eða minna frá fyrsta sæti.

Lokadagurinn mun síðan fara fram 10. júli og verður það sannkallaður úrslitadagur þar sem spennan í öllum flokkum mun ná hámarki og verður gaman að fylgjast með hverjum flokknum á fætur öðrum koma inn 72. holuna og leika til úrslita.

Vinsamlegast smellið á mynd, þar sést hvaða flokkar leika 4 hringi og eru með niðurskurð. Þeir flokkar eru merktir með dökkgrænum kassa við laugardaginn 10. júlí.

Skráning hefst 20. júní n.k á golf.is