Þá er stóra stundin runninn upp. Meistaramót Keilis 2016 er hafið. Það var 4. fl. karla sem hóf leik kl 07:50 núna í morgunsárið. Arnar Atlasson formaður Keilis setti 49. Meistaramót Keilis með formlegum hætti og það var svo Baldvin Björnsson sem sló upphafshöggið og gerði það einstaklega vel. Þegar þetta er skrifað eru 250 keppendur skráðir til leiks. Þeim mun fjölga eitthvað næstu daga, en síðari hluti mótsins hefst á miðvikudag. Við óskum öllum keppendum góðs gengis næstu daga á einu skemmtilegasta móti ársins. Vallarstarfsmenn Keilis hafa unnið frábært starf undir handleiðslu Bjarna vallarstjóra og Hvaleyrarvöllur er í mjög góðu standi.