Þórdís Geirsdóttir varð Íslandsmeistari í flokki 50 ára og eldri á Íslandsmóti eldri kylfinga sem lauk í gær. Leikið var á Hamarsvelli hjá Golfklúbbi Borgarness. Leiknar voru 54 holur á þremur keppnisdögum.

Þórdís lék hringina þrjá á samtals 26 yfir pari eða á 78-79 og 82. Hún sigraði Maríu Guðnadóttur frá GKG í umspili og bráðabana. Í þriðja sæti varð Ragnheiður Sigurðardóttir frá GKG.

Keilir óskar Þórdísi innilega til hamingju með árangurinn.