Kæri keppandi,
Golfklúbburinn Keilir sem mótshaldari, leggur mikla áherslu á að umgjörð Hvaleyrarbikarsins verði sem best er á kosið. Aðbúnaður keppenda er þar ekki undanskilinn.
Öllum keppendum verður boðið í morgunmat fyrir fyrsta keppnisdaginn og verður hann í boði frá klukkan 06:30-10:00.
Í Hraunkoti, æfingasvæði Keilis, verður slegið af grasi fyrir hringina alla daga mótsins og eru æfingaboltar í boði mótshaldara.
Keppendur fá teiggjöf fyrir fyrsta keppnisdaginn.
Ræst verður út á 1. og 10. teig fyrsta keppnisdaginn og eftir það frá 1. teig.
Við viljum vekja athygli keppenda á GLFR appinu þar má nálgast má allar mælingar á vellinu. Við hvetjum keppendur að nýta sér þessa lausn og má nálgast hana í App og play store. Holustaðsetningablöð verða afhent á teig.
Rástímar verða birtir á golf.is kl 14:00 á miðvikudeginum fyrir mót. Á fyrsta keppnisdegi ákveður mótsstjórn röðun í ráshópa en síðan verður raðað út eftir skori.
Um leið og úrslit eru kunngjörð verður Hvaleyrarbikarinn afhentur sigurvegurum mótsins.
Keppt verður í höggleik og leiknar 54 holur.
Keppnisskilmála og aðrar upplýsingar um Hvaleyrarbikarinn má nálgast hér í póstinum. Við hvetjum keppendur að koma vel undirbúna og lesa þetta efni vel fyrir fyrsta keppnisdag.
Tengill inná viðbótarstaðarreglur
Við hlökkum til að sjá þig og óskum þér velgengni í mótinu.
Mótsstjórn Hvaleyrarbikarsins 2022